ما هي السبيكة الذهب وأنواعها وأوزانها..وهل هي أفضل من الجنيه الذهب

ما هي السبيكة الذهب وأنواعها وأوزانها

السبيكة تعتبر من أكثر الأشكال الشائعة والمعروفة في عالم الذهب والمعادن الثمينة.

الناس كثير بتخلط بينها وبين الجنيه الذهب أو الحلي، لكنها في الحقيقة تختلف تماما من حيث الشكل والاستخدام وحتى الهدف من اقتنائها.

السبيكة هي قطعة من الذهب المصهور تم تشكيلها على هيئة مستطيل أو شكل منتظم، وبيكون عليها ختم يوضح الوزن والنقاء واسم الشركة المصنعة.

الهدف الرئيسي من السبيكة هو الاستثمار أو الادخار، مش الزينة أو الاستخدام اليومي زي الحلي.

أنواع السبائك الذهبية

السبائك بتنقسم لأنواع حسب معيارين أساسيين، وهما النقاء والشركة المصنعة.

أولاً: حسب النقاء

عيار 24
هو أنقى وأشهر نوع من أنواع السبائك, نسبة الذهب فيه بتكون قريبة جدا من مئة في المئة, وده النوع اللي الناس بتشتريه لما تحب تحوش أو تستثمر.

عيار 22 وعيار 21
بيكون فيهم نسبة صغيرة من المعادن الأخرى, مش شائعين في السبائك، وبيستخدموا غالبا في العملات أو الجنيهات الذهب.

ثانيا: حسب الشركة المصنعة

سبائك من شركات عالمية
زي سويس جولد و  بامب سويس، ودي بتتميز بختم رسمي معترف بيه عالميا.

سبائك محلية
ودي بتكون مصنعة في السوق المحلي، أقل شوية في السعر، لكن ممكن تكون مناسبة لبعض المستثمرين الصغار.

أوزان السبائك

السبائك بتتوفر بأوزان مختلفة تناسب كل فئات المستثمرين، من الناس اللي بتحوش بأقل ميزانية لحد رجال الأعمال الكبار, ودي أشهر الأوزان:

سبيكة واحد جرام

سبيكة خمسة جرام

سبيكة عشرة جرام

سبيكة عشرين جرام

سبيكة خمسين جرام

سبيكة مئة جرام

سبيكة مئتين وخمسين جرام

سبيكة خمسمية جرام

سبيكة كيلو جرام

الناس اللي بتبدأ في الاستثمار دايما بيفضلوا أوزان صغيرة زي الخمسة أو العشرة جرام، وبعد كده بيكبروا استثمارهم تدريجياً.

هل شراء السبيكة أفضل من الجنيه الذهب؟

ده سؤال بييجي على بال ناس كتير, والإجابة بسيطة: لو هدفك هو الاستثمار النقي والادخار، فالسبيكة خيار أفضل لأنها مش بيكون عليها مصنعية كبيرة، وسهل تسييلها وقت الحاجة, أما الجنيه الذهب، فمناسب أكتر للهدايا أو الادخار المتوسط.

السبيكة الذهبية هي وسيلة ذكية لحفظ المال بشكل آمن، خصوصا مع تغير قيمة العملات والتضخم.

سواء كنت مستثمر كبير أو شخص عايز يحوش جزء من دخلك، اختيار الوزن والنوع المناسب ليك هو أول خطوة في طريق الاستثمار الامن.

ما هو الجنيه الذهب؟ دليلك الكامل لفهم الجنيه الذهبي وأهميته في السوق